top of page
  • Writer's pictureRebe

兒加感覺 (三)



跟著就開始忙於辦理銀行開戶手續 : 唔係即開即有戶口比你, 要交出相關文件及居留證書或移民紙和開戶表格,等大概三至七天收到電郵通知確認後,再遞交文件,才決定你是否可以開設新戶口; 要申請電訊服務,雖然只有幾間電訊公司,如老字號的 Bell, Rogers communications, Telus Corporation, Shaw Communiucations, TELUS 及其他較出名的 Fido、Chatr、Koodo mobile、Public mobile 、 Lucky mobile. 、 Virgin mobile .......,不容易地去決定那間適合自己及家人,因為要比較的當然係網絡覆蓋率高, 因為有些電訊公司在較偏遠的地區是不能接收訊息。

不能停下來啊! 有點空檔便四處探探各式超市和購物商場,睇嚟好似好輕鬆,但實際唔係您想像中咁寫意,要去認識所有新牌子,要試吓用吓,再記住係邊到買;好吃、好用,記住係邊間買過;每每遇上電器用品、訂購傢俬之後需要退貨、換貨,都需要經多番努力才可成功;自覺有語言障礙,英文難以好似外國人咁好,但每日都幾乎需要處理的事,生活上好多好多細節,都不是我哋想像中咁理想。

係香港的時候,有空就睇些買賣樓宇、租樓的方法及程序方面的資料搜集,等自己有些購思及概念,希望能獲派心儀的學校,處處為小朋友將來設想,金錢固然重要,但付出的精神和心血真係無價,幸好學校很快便有回覆,收到通知後喜極而泣,總算在這段時間可以鬆一啖口氣。

0 views0 comments

Comentarios


bottom of page