撰擇了移民這一刻，真不是我想像中那麼簡單，往後很多事情都需要去學習，甚至都要重新開始，不是為了兩個小朋友，今天亦不會有這麼大的勇氣去决定，往加拿大升學係順利成章的事，所以和丈夫就毫不猶豫地決定放棄在港的高薪厚職，移居過來由頭來過，仲買咗一間 franchises 咖啡店來做，揀選原因係咖啡在加拿大人中係受歡迎的飲品，自己在香港也曾參加過咖啡班、拉花班、烘焙班、蛋糕班等同類型的課堂，對這行業有點興趣，抱著新希望，由零開始。
距離開學日子雖然只有兩星期，好似變身成了一個分身不暇的 super mom，呢兩星期就全程忙於辦理入學手續、買校服、運動球衣、外套、帽子、襪子、皮帶、書包⋯⋯等，所有學校用品都必須在指定店舖購買，有部份未能適合碼數或新貨仍未到，要走幾趟才可買齊，店舖又遠又偏僻，來回去了大半天，搞完校服，又要搵報名課餘活動，開學後有大量的通告和回條，苦惱就係要細閲和理解裡面的細則，又要揀選最合適的課餘話動嚟報讀，所有的決定都是由您自己作主，一時之間發現自己開始有撰擇困難症，係香港買嘢容易又方便，嚟到呢度又最唔慣就係地方太偏遠，搵到間嘢又未必啱您心水。
兒子分別為 8 歲和 13 歲，初時他們好不容易適應新生活、新環境；無論生活方式、節奏，居住環境，校園的生活和學習模式，尤其語言上難於溝通，英文講得唔流利，聽得唔太清楚，睇都唔太明白，好難表達到自己的意思，小朋友年紀輕，學習能力高，容易適應新環境，再認識埋新同學，漸漸習慣了校園生活，功課、測驗、考試不算多，戶外活動就真係多姿多采，讓孩子更投入校園生活。我們一家四口在週末，經常到海灘野餐、座在椅上大半天、望望藍天白雲、洶湧澎湃的海浪、碧波蕩漾、在只有聽到海浪聲看著書本、欣賞落日餘暉; 在香港就很難找到這處情景。
Comments