確認了建築商(Builder)合約後，我們要將地盤交給建築商。首先要安排租客盡快遷出，然後通知水、電、煤氣等停止服務，否則清拆時會造成危險。
下一步就是處理原有的房屋了，我們可以有多個選擇。最懶的方法是判給建築商，第二個方法是自行報價拆掉這原有的房屋，第三個方法是研究能否將這房屋連根拔起，然後運到其他地方用又或賣給人。
這是一間1950年建成的單層木結構房屋，大約90平方米。
選擇和建築商幫我們搞埋當然係最慳水慳力既做法，但係唔慳錢。佢地會加約15%-20%既利潤 (或服務費)。有時間既話就自己打電話去問，約時間去睇場然後追報價，其實都係成本！
我地既好處係夠得閑，同埋好鬼好學，所以搵左成6-7間拆屋公司報價。這類單層約100平方米的木屋清拆費用報價在 AUD20,000至AUD30,000 之間(連GST)，還要看有多少大樹在地盤內，每棵計，好彩我們地盤沒有大樹。澳洲政府好嚴格，所有建築廢物都要指定處理，全部要付費，不過都包左在報價裡面。
最後仲有終極方案 - 成間搬走，賣比人！分分鐘仲有錢賺！呢個方案原則上係最Perfect又最環保，但係首先要研究間屋既結構係唔係合適，如果底部有木樁或鋼材建造的平台，能較易搬走，如果直接建在水泥地上，則搬運過程較為困難，甚至不適合搬遷。仲要睇70歲的老屋能否承受舟車勞頓，會否中途夭折！出大路既小路夠唔夠闊，能否轉彎出大路。這方案另有風險是如果撞壞了道路或其他路上的財物…就…！
經過詳細的考慮和研究，我們選擇玩成間搬走；我地果間屋雖然已經成70歲，但係仲老當益壯，又乎合搬運條件，但係搬去邊呢？又沒有人買，好吧送了人就好了！就這樣吧！在做足安全措施下和封路下，讓這老屋移民到別處去了！
屋仔去了，清理地盤後我們會將地盤交予建築商，然後這段時期的保險和責任便歸建築商，直至完工為止！可惜清理地盤時我們發現另外一件事！竟然有石棉！！
תגובות